حركات للماسنجر بلس اتمنى ماتنصدمو فيها متل مانا انصدمت فيها

صباااح ..،، الورد والنوير ../

اليوم جايبلكم شي انشاء الله يعجبكم والله ما ادري موجود بلمنتدى ولالا


../



فيه بعضكم منزلين البلس بس عشان التوبيكات الملونه ومايدري وش هو مفوت عليه





أولاً :
يتيح لك امكانية الدخول بأكثر من ماسنجر و بنفس الوقت
يعني الباتشات اللي كنا نستخدمها اول عشان ندخل بأكثر من ماسنجر انسوها

و طريقتها كالتالي :
بعد ما ثبتنا البلس و اشتغل الماسنجر راح نلقى بالشريط فوق ان البلس اضيف لها ..
اضغط عليها .. واختار اعدادات ..

و نضغط على " المسنجر " و بعدين نحط صح على " السماح بالإتصال بأكثر من حساب في نفس الوقت لو اكثر من حساب ان شاء الله 7 حسابات ..

ومن ثم موافق .. وتقدر تفتح اكثر من مسنجر



ثانياً :

تبي تحط لك اختصارات ؟
مليت وانت كل شوي تكتب نفس الكلام ؟
بالعربي زول و متعيجز تكتبه مرتن ثانيه
البلس يوفر لك الراحه و الطمأنينه و الإستقرار

زيها زي اختصارات الشات .. يعني مثلا تبي لا كتبت " س1 " تطلع " السلام عليكم و رحمة الله وبركاته "
وهكذا ...
هذي طريقتها كالتالي :

ندخل على اعدادات بعدين نضغط على " المحادثات " نختار منها " النصوص السريعة "

وبعدين " تطبيق " ثمن " موافق "


ثالثاً :

عندك واحد بالماسنجر تبي تعرف متى آخر مره شفته اون لاين ؟
تبي تعرف متى آخر مره حاتسيته فيها ؟
هذي تنفع للي يبي يحذف ناس عنده بالماسنجر و يبي يشوف كم له عنهم
عشان كذا سموها " تنظيف جهات الإتصال "

طريقتها :

من قائمه بلس
نختار " تنظيف قائمه جهات الإتصال "
ومن ثم تطلع لك قائمة البيانات ،،



رابعاً :

رحت عن الجهاز شوي و رجعت و تبي تعرف وش صار وانت رايح ؟
وش الأحداث اللي صارت ؟
من حط مشغول ؟ من طلع ؟ من دش ؟ من غير نكه ؟
ابشر .. بلس ولد ام بلس يقولك ازهلها وانا اشوف وش يسوون لا تشيل هم

طريقتها :

من قائمه بلس نختار " إظهار عارض الأحداث "


و سمّ شف البلس وش يعرض لك

خامساً :

تبي تحفظ سواليفك اللي بالماسنجر ؟
عشان لا واحد قالك كلام و رجع فيه تقفطه
البلس يوفر لك هالشئ

طريقتها :

من قائمه بلس
ندخل على اعدادات
ونضغط على " محادثات " و نختار منها " تسجيل المحادثات



اذا مابغيت البلس يحفظ المحادثات شل علامة الصح من
" خزن محادثاتي في سجلات افتراضيا "



سادساً :


تبي تقوم عن الجهاز و ما تبي احد يطل على ماسنجرك ؟
انت قاعد على الماسنجر و فجأه لقيت خشة احد بجنبك قالط بالشاشه ؟
" قفل الماسنجر " يعطيك خاصية تقفل الماسنجر حتى بإختصار للكيبورد و بعد
يقدم لك خيار انك تحط رقم سري لإستعادة الماسنجر " فتحه من جديد "

طريقتها :

من قائمه بلس

ندخل على اعدادات
نضغط على " الماسنجر " و نختار منها " قفل الماسنجر "



طبعا قفل الماسنجر ما يسوي تسجيل خروج لا .. بس اللهم كأنك ضاغط على علامة الإكس اللي فوق

تقدر تحط لها اختصار بالكيبورد او انك تسويها بهالطريقة

من قائمه بلس

نضغط على " قفل الماسنجر "

طبعا اذا حطيتوا " رقم سري للإستعاده " اول ما تضغطون على ايقونة الماسنجر دبل كليك بالماوس راح يطلب الباسوورد


سابعاً

زهقت من حركة بس " بالخارج "
تبي تحط لك حالات مخصصه مثلا : " نايم " .. " أصلي " .. " ألعب سوني " .. " اتفرج على فيلم "

تقدر تسوي لك اعدادات جاهزه و تستخدمها متى مابغيت

طريقتها :

من قائمه بلس
ندخل على اعدادات
ونضغط على " تهيئه " و نختار منها " الحاله المخصصه
عقب ما تسوي حالاتك المخصصه .. اضغط تطبيق



ثامناً:


تبي تضيف مقطع صوتي للماسنجر عشان ترسله لأخوياك لاسولفت معهم ؟
او مثلا مستحلي صوتك و تبي تضيفه و تروع به خلق الله

طريقتها :

لا فتحت محادثه مع اي جهة اتصال .. اضغط على رمز السماعه

بيفتح لك مستطيل فيه اصوات جاهزه تجي معه
اذا بغيت تضيف اصوات من عندك اضغط على مكتبة الأصوات راح يطلع لك هالمستطيل


طبعا بالمستطيل الفاضي راح يحط لك الأصوات اللي انت اضفتها
اذا بغيت تضيف من عندك اضغط على " صوت جديد


تاسعاً:

اعجبتك صورة احد عندك بالمسن و قلت عطني اياها و عيّا ؟
تبي تسرقها ؟
تبي تسرق التوبيك حقه ؟
تبي تعرف معلومات عن جهة اتصال معينه .. يعني غير التوبيك ... غير الحاله .. إلخ

طريقتها :

اضغط على جهة الإتصال اللي تبيها بالزر اليمين بالماوس و بعدين انزل تحت على " خواص ماسنجر بلس " وبعدين " معلومات جهة الإتصال "


راح تطلع لك معلوماته كلها
طبعا التوبيك قدامك .. بس ضلله بالماوس و نسخه
و الصورة اضغط على " حفظ الصورة " ما عاد نحتاج برنامج سارق الصور